Најбрз бинарен систем во вселената

Земјината орбита околу Сонцето се движи со брзина од 29 километри во секунда.Тоа е голема брзина. Сепак, научниците ги открија можеби и најбрзите орбити на вселенските тела досега.

ХМ Канкри(HM Cancri) е пар бели џуџиња, односно бинарен ѕвезден систем, во кој секоја ѕвезда ротира околу друга со брзина од речиси 500 километри во секунда. На Земјата за обиколка на Сонцето и треба една година, а на две ѕвезди за меѓусебна орбита една околу друга им требаат пет минути.

Научниците на почетокот беа шокирани од ова откритие дека соларниот пар може да ротира толку брзо еден околу друг, па претпоставија дека станува збор за една ѕвезда, која многу брзо ротира околу својата оска. Но нивните сомнежи ги отстрани поглед низ вториот најмоќен телескоп на Земјата, кој покажа дека станува збор за бинарен систем, во кој две ѕвезди се толку блиски една до друга, што изгледаат како една.

Не само што ХМ Канкри е најбрз бинарен систем било кога откриен, туку и најбрз можен бинарен систем.

Доколку нивните ротации беа малку побрзи, и ако ја достигнеа целосната орбита во само три минути, би започнале да извлекуваат хелиум една од друга. Тогаш би настанала и посебен вид на супернова, а нивната експлозија би го забавила целиот систем.