HTC го најави Wildfire

Wildfire е паметен телефон кој ќе го користи истиот процесор како постариот Hero. Се чини дека HTC ги откри причините за незадоволителната брзина на Hero, а процесорот, очигледно, не бил една од нив. Оперативниот систем Android 2.1 ќе биде надграден со најновата верзија на Sense интерфејсот, опремена со Friend Stream и Leap. Она по што овој модел од HTC ќе биде поинаков од останатите е уште поголемата интеграција со социјалните мрежи, особено со Facebook. При остварувањето на повикот, телефонот ќе прикажува сублимирани информации од Facebook профилот на соговорникот. Јасно е дека целната група се младите луѓе, па поради тоа HTC го стори потребното да го направи овој модел попристапен – искористи постар процесор и екран со нешто пониска резолуција (240 x 320). Поради оптимизација на перформансите, HTC ги отстрани сите 3Д ефекти од интерфејсот Sense, во телефонот вгради батерија со капацитет од 1.300 mAh, ветувајќи поголема трајност отколку кај Desire. Wildfire на пазарот треба да пристигне во третото тромесечие од годинава.