Пума телефон со полнач на соларна енергија

Уште еден оригинален и единствен телефон на пазарот ги освојува љубителите на најновите технолошки достигнувања.

Мобилниот оператор „Оне“ за прв пат го претстави новиот телефон на Пума, кој функционира со полнач на соларна енергија.

Пакувањето е направено од брзо-разградливи еколошки супстанци кои воопшто не и наштетуваат на природата, а уште поважно, Пума телефонот има интегрирана батерија која опционално се полни на соларна енергија во надворешни услови, неверојатна функција која не може да се сретне во било кој друг мобилен телефон.

Со 2.8 инчен широк екран на допир и препознатливо мени, корисниците имаат можност да откријат многу повеќе во несекојдневниот избор на апликации и алатки специјализирани за врвните спортисти и рекреативци како; мерење на растојание при трчање или возење велосипед, мерење на согорени калории, педометар, дигитален компас како и А-GPS поддршка за навигација, и покрај сето ова доколку се испразни батеријата, може да се наполни на сончева светлина.

Вградената дигитална камера со 3.2 мега пиксели и блиц овозможуваат квалитетна фотографија и видео запис, додека од предниот дел телефонот има и втора камера за воспоставување видео повик. Со широкиот екран на допир корисниците можат да сурфаат од својот мобилен телефон со супер брз 3G интернет од 7.2 Мbp/s како и да споделуваат слики и видеа преку глобалните социјални сервиси како Windows Live, Facebook и многу други. Пума телефонот има вклучено и 2GB мемориска картичка за сите податоци на корисникот, видеа, е-пошта и друго.