Asus Lamborghini VX6

Новиот Asus Lamborghini е нетбук со екран со дијагонала од 12,1 инчи и LED позадинско осветлување. Резолуцијата на дисплејот е 1.366 x 768 пиксели, а за графиката е задолжен Nvidia ION.

Asus Lamborghini VX6 е базиран на процесор од новата генерација Intel Atom D525 со работен такт од 1,83GHz и максимално може да користи 4GB DDR3 меморија. Освен стандардната Ethernet конектибилност, тука е и можноста за Wi-Fi и Bluetooth поврзување. Уште поважно, овој нетбук располага и со USB 3.0 приклучок.

Новиот преносен компјутер на Asus ќе се испорачува со претходно инсталиран Windows 7 оперативен систем, но точниот датум на појавување на пазарот сеуште останува непознат.