Развиен е титаниум-оксиден диск од 25TB

Тим на Јапонски научници создаде материјал од кој би можел да се произведува евтин 'супер диск' со капацитет од 25 терабајти.
Материјалот - кој AFP го опишува како нова форма на кристал од титаниум оксид - наводно може да ја менува состојбата помеѓу метал и полупроводна состојба кога ќе биде изложен на светлина.

"Материјалот кој ја менува бојата на светлина може да се користи на уреди за складирање, бидејќи боите ја рефлектираат светлината различно а со тоа се содржат и различни информации. Ова го прави материјал кој ветува кога е во прашање производството за оптичките уреди од следната генерација," изјавил за AFP Shin-ichi Ohkoshi, професор по хемија на Универзитетот од Tokyo.


"Цената на титаниум оксидите на пазарот е едвај илјадити дел од цената на ретките елементи, како што се germanium, antimony или tellurium; елементи кои се користат за 'пиши-бриши' Blu-ray дисковите и DVD-a. Ова значи дека нема потреба да се грижите за производство на ретки материјали. Титаниум оксидот е евтин и безбеден, а веќе на големо се користи во многу продукти како што се пудрата за лице или белата боја за молерисување."

Ohkoshi додал дека планира да ги одбие понудите на приватните компании кога евентуално би му понудиле да го 'комерцијализираат' овој материјал.