Најмалиот MP3 плеер

Јапонците се познати по лудите креации, а сега својата колекција ќе дополнат со уште еден мал, но еднакво вреден уред кој за сега добива позитивни критики.

Од следната недела Јапонците ќе можат да го купат најмалиот МP3 плеер на светот, Micro Sport Japanese MP3 Player. Уредот доаѓа во пакет со две слушалки, од кои едната е директно прикачена за него, а другата е поврзана со уредот преку кабел кој минува на задниот дел од главата. Командите за управување со песните и регулирање на висината на тонот се сместени на главната слушалка, a неверојатно малото плеерче обезбедува стерео звук со одличен квалитет.


Micro Sport MP3 се поврзува на компјутер преку USB приклучок, а песните се копираат директно преку Windows без дополнително инсталирање на драјвери и е компатибилен со секој оперативен систем. Наспроти малите димензии Micro Sport MP3 е опремен со 4 GB меморија и батерија која се полни преку USB.

Мало, мало ама техничарче, штета што ќе биде достапен само во Јапонија и тоа по цена од 89,99 долари.