Летало постигнало брзина шест пати побрзо од звукот

Експерименталното летало X-51А-Вејврајдер, поставило рекорд во хиперсоничен лет, движејќи се цели три минути со брзина шест пати поголема од брзината на звукот.

Леталото било лансирано до крило на бомбардер од типот Б-52 Стратофортрес, а неговите скрамџет мотори забрзале до шест маха. Со таа брзина X-51А летало цели 200 секунди, по што почнало да го губи забрзувањето.

Американското воено воздухопловство тврди дека претходнит скрамџет мотор издржал само 12 секунди. Но, овојпат Чарли Бринк, кој е главен на проектот X-51А при лабораторијата на американските воздушни сили, рекол оти е воодушевен од постигнатиот резултат.



“За нас овој успех е еднаков како скокот од пропелер на млазен погон“, објаснил Бринк.

Леталото Вејврајдер го изработиле компаниите “Боинг“ и “Прет & Витнеј Рокетдин“. Четири летала X-51А биле направени за потребите на американското воено воздухопловство, а останатите три ќе бидат тестирани на есен.

“Ниту еден тест не е совршен. Сигурен сум дека ќенајдеме на уште некоја аномалија, која ќе мораме да ја отстраниме на идниот тест“, рекол Бринк.