Понекогаш човек може да се најде на вистинското место во вистинско време, а таков миг доживеале астронаутите на меѓународната вселенска станица (ISS), кога успеале да ја снимат ретката појава над јужниот Индиски океан - аурора аустралис.
Поларната светлина веројатно била предизвикана од неодамнешната активност на Сонцето.
Исто како и аурора бореалис на северниот пол, така и аурора аустралис е еден од најубавите атмосферски феномени на Земјата.
И едната и другата се создаваат кога набиените јони што пристигнуваат од Сонцето, се судираат со кислородот и азотот во горниот слој на атмосферата, создавајќи светлосни ефекти.
Светлоста на сликата на астронаутот е со зелена боја поради треперењето на атомите од кислород на бранова должина од 0,558 нанометри, додека треперењето на други бранови должини создава и други бои, како што е црвената, сината или виолетовата.
Сепак, оваа аурора е единствена по тоа што е снимена подалеку од Јужниот пол, односно над Индискиот океан.