Мајкрософт ја претвори кожата во далечински управувач

Благодарение на различната структура на деловите на телото кои остваруваат единствен „звучен отпечаток“, во иднината ќе можеме да пишуваме СМС пораки со движења на прстот низ сопствената рака.

Револуционерната технологија направена од страна на Мајкрософт и Универзитетот Карнеги Мелон, ја користи „акустиката на телото“ за да ја претвори кожата во интерактивен екран чувствителен на допир.

Изумот наречен „Скинпут“, ќе користи необична програма која на корисниците ќе им овозможи преку својата сопствена кожа да управуваат со електронските направи.

Замислете како играте Тетрис користејќи ги прстите како управувачка плоча или да пишувате порака со исцртување на буквите на вашата подлактица. Не ви се допаѓа песната која ја слушате? Само плеснете со вашите дланки за промена.

Порталот Engadget објаснува дека оваа технологија работи благодарение на густината на коските, масните ткива и големината на мускулите, при што единствениот звучен отпечаток, може да биде препишан на одреден дел од телото, раката или дланката, што им овозможува на корисниците да ја контролираат својата електронска опрема, со само еден допир.